Маңғыстауда 41 мыңнан аса адам ревакцинациядан өтті

© Суретті түсірген Т. Құсайын

Бұл туралы қоғамдық коммуникация орталығында өткен брифингте Маңғыстау облысы денсаулық сақтау басқармасы басшысының орынбасары Асқар Сағымбаев айтты, - деп хабарлайды mangystaumedia.kz сайты.

Спикердің айтуынша, облыс бойынша 25 емханада ревакцинация жүргізіліп жатыр.

«Қазіргі таңда 41 879 адам ревакцинациядан өтті. Оның ішінде 6 395 – медицина қызметкері, 1 059 – мемлекеттік қызметкер, 4 836 – күш құрылым қызметкері, 3 015 – өндіріс қызметкері, 2 182 – вахталық әдіспен жұмыс істейтін қызметкер, 7 105 – педагог, 415 халыққа қызмет көрсету орталығы қызметкері, 192 теміржол қызметкері, 385 тамақ қызметкері, 706 сауда кәсіпорын қызметкері, 427 жүкті әйел. 974-і 50 жастан жоғары болса, 306-сы «Д» есептегі науқастар, 1162 студент және тағы басқалары екпе алды», - деді Асқар Сағымбаев.

Жалпы, қазір қолданыста ресейлік «Sputnik V»; «QazVac»; «Синовак вероселл»; «CoronaVac»; «Pfizer» вакциналары бар. I – компонентпен 224 914 (57,9%), II – компонентімен 206 937 (53,3%) адам егілді.

Маңғыстау облысында соңғы тәулікте коронавирус жұқтыру дерегі тіркелген жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.