Бейнеу тұрғыны жолдан жалғыз аққу тауып алды

Бейнеу ауданындағы Тәжен елдімекенінің тұрғыны жолдан жалғыз аққу тауып алған, - деп хабарлайды mangystaumedia.kz сайты.

Тұрғын Қалдыбай Сәрсеновтың айтуынша, түскі уақытта ауыл сыртында жалғыз аққу жүрген. Ол аққуды төрт-түлік малдың азығына айналмасын деп өз үйіне алып барған.

"Аққуда ешқандай жарақат жоқ. Тек шаршап қалған сияқты. Қазір су, нан беріп, жылы жерде ұстап отырмын", - дейді тұрғын Қалыбай Сәрсенов.

Ал Маңғыстау облысының табиғи ресурстар және табиғат пайдалануды реттеу басқармасының мамандары ертең құсты қалаға алып кететінін жеткізді.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.