Өзің тұратын үйдің ауласын көркейтуге мүмкіндік зор. Ол үшін «Халық қатысатын бюджет» жобасына жүгіне аласың. Аталған жоба аясында 2022 жылдың 10 наурызына дейін кез келген тұрғын қала аумағын дамыту мен абаттандыруға бағытталған идеясын ұсына алады. Атап айтқанда аумақты көгалдандыру, тротуарларды жайластыру, тротуарларды, пандустарды, арықтарды салу және жөндеу, ортақ пайдалану орындарын құру, жөндеу және жарықтандыру (саябақтар, скверлер, жаяу жүргіншілер аймақтары және өзге де объектілер), бордюрларды, брусчаткаларды, тіреуіш қабырғаларды жөндеу; қоқыс тастайтын жерлерді жою; ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату және жөндеу, аула аумақтарында және ортақ пайдалану орындарында спорттық (жаттығу алаңдарын, футбол, баскетбол, волейбол алаңдарын) балалар ойын алаңдарын орнату, жөндеу бойынша өтінімдер қабылданады.
Ұсынылатын өтінімде жобаның қысқаша атауы, Ақтау қаласы әкімдігінің құзіретінде жүзеге асыру, бір автор – бір өтінім – бір нысан және ортақ пайдалану нысаны болу міндетті. Сонымен қатар жобалық ұсыныста болжамды қаражат көлемі мен фото суреті (эскизі, макеті, схемасы) болуы қажет. Өтінімдерді қабылдау, дауыс беру және бастамаларды іріктеу Ақтау қаласы әкімдігінің ресми сайтында онлайн түрде өтеді. Егер сіздің бастамаңыз дауыс беру процесінде қала тұрғындары тарапынан қолдау тапса, ол қалалық бюджет есебінен жүзеге асырылатын болады.
Жоба аясында Алматы, Нұр-Сұлтан қалаларында өтінім жіберуге тұрғындар белсенділік танытуда.
Айгүл ОРЫНБАЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
