Ақтау қаласына 25 мың түп ағаш отырғызылады

Ақтау қаласын көгалдандыру бойынша 2022-2027 жылдарға мемлекеттік-жекеменшік әріптестік (ГЧП) аясында Маңғыстау облысының табиғи ресурстар және табиғат пайдалануды реттеу басқармасы мен Ақтау қалалық тұрғын үй – коммуналдық шаруашылығы бөлімі бірігіп жұмыс жасайды.

Жобаның басты мақсаты - Ақтау қаласын жасылдандыру, ағаштар, бұталар, гүлдерді отырғызуды және кейіннен күтіп-баптауды, жасыл аумақтар мен ағаштарды күту бойынша жүйелі жұмысты қамтамасыз ету.-

Жобаны іске асыру шеңберінде жеке серіктес 5,2 млрд. теңгеге жұмыстарды орындауды жоспарлап отыр. Нәтижесінде қаланың жасыл қоры кеңейіп, отырғызылған ағаштар саны 25 000, бұталардың аумағы- 7 000 метрге, көкгазондар - 5 000 шаршы метрге, сондай-ақ 787 500 гүл мен 40 000 раушан гүлге жететін болды. Сонымен қатар, қазір қалада өсіп тұрған жапырақты ағаштар – 67 783, қылқан жапырақты ағаштар -4602 , дара бұталар – 6 221 , бұталар – 27 932 ш.м., гүлзарлар (цветники) – 7 251 , раушан гүлдері - 10 515 дана, көкгазондар – 134 647 ш.м күтіп ұстайтын болады,- деді Дүйсен Құсбеков.

Қазіргі кезде жобаны мемлекеттік-жекеменшік әріптестік (ГЧП) арқылы іске асыру үшін конкурстық құжаттамалары әзірленуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.