Маңғыстауда қуаңшылықта мыңнан астам мал қырылды

Бұл туралы қоғамдық коммуникация орталығында өткен брифингіде Маңғыстау облысы ветеринария басқармасы басшысының орынбасары Нұрсұлтан Дүйсебек хабарлады, деп хабарлайды mangystaumedia.kz.

Оның айтуынша, мүйізді ірі қара – 51, ұсақ мал – 534, түйе – 67, жылқы – 569 бас. Бұл өңірдегі малдың (671 596) 0,2 пайызын құрайды.

“Өлген малдарға ішінара патологанатомиялық жарып-сою, көтерем малдарға клиникалық тексеру жүргізілді және көтерем малдардан қан сынамалары зертханаға тапсырылды. Тексеру нәтижесі бойынша «Алиментарлық дистрофия» диагнозы қойылып, расталды”, - деді Нұрсұлтан Дүйсебек.

Жалпы, облыс аумағында жануарлар арасында мал шығынына себеп болатындай аса қауіпті және жұқпалы аурулар анықталған жоқ.

Анықтама үшін! «Алиментарлық дистрофия» – жалпы жүдеумен, барлық зат алмасудың бұзылуымен, тіндер мен органдардың функциясының бұзылуымен және дистрофиясымен көрінетін, ұзақ мерзім бойына қоректік заттардың (тағамның) жетіспеушілік ауруы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.