Бұл туралы Қоғамдық коммуникация орталығында өткен брифингіде Маңғыстау облысы санитариялық-эпидемиологиялық бақылау департаментінің басшысы Ғазиз Надуев мәлім етті, деп хабарлайды mangystaumedia.kz.
- Облысқа 35 100 доза Pfizer вакцинасы келді. 22-25 қараша аралығында 186 дозасы егілді. Атап айтқанда 18 жасқа дейінгі 102 бала, 74 емізулі ана, 10 жүкті әйел вакцина алды. Облыс бойынша мектеп оқушылары ата-анасының келісіміне сәйкес екпе алып жатыр. Сондай-ақ 18-24 қараша аралығында короновирус инфекциясының 34 жағдайы тіркелді. Мұны өткен аптамен салыстырсақ 21 жағдайға төмендеген. Тіркелген 34 жағдайдың шағыммен 24, шағымсыз – 10 құрап отыр -, деді Ғазиз Надуев.
Баспасөз конференциясына Маңғыстау облысы денсаулық сақтау басқармасының басшысы Аманбек Жұмыров қатысты. Оның айтуынша елімізде ревакцинация жұмыстары 22 қарашада басталды. Өңір бойынша 2 емханада ревакцинация жүргізіліп жатыр. Олар Нейрон ЖШС, Ақтау қалалық №2 емхана. Бүгінгі күні 20 медицина маманы мен 1 мемлекеттік қызметкер екпе алды.
- Мемлекет басшысының тапсырмасымен республика халқын иммундау жөніндегі консультативтік комиссиясының ұсынысына сәйкес, бұған дейін халықты ревакцинациялау баяндалған болатын. Ең алдымен ревакцинация медицина мамандарына, педагогтерге, полиция қызметкерлеріне, медициналық-әлеуметтік мекеме қызметкерлеріне жүргізіледі - , деді Аманбек Жұмыров.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
