Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін «Жасыл ел-2021» еңбек жасағының XVII маусымы басталды, деп хабарлайды mangystaumedia.kz .
Еңбек жасағына биылғы маусымда Ақтаудағы көпбалалы және аз қамтылған отбасылардан 380 жас жұмысқа тартылды. Олар 2 кезең бойынша 12 топқа бөлініп 1 ай бойы қоршаған ортаның көркеюіне, қаладағы қоғамдық орындардың таза болуына үлес қоспақ. Әр топта 25-30 баладан және оларға нұсқаушы бекітілген.
«Елімізде карантин жағдайына байланысты "Жасыл ел" еңбек жасағына тіркелу онлайн түрде жүргізілді. Сондай-ақ, әрбір ата-анадан баланың денсаулығын көрсететін анықтама және рұқсат беретіні жөнінде қолхат алынды. Жастар қаланың таза тұруына өз үлесін қосып, тазалық барысында игілікті істің үлгісі болады деген сенімдеміз”, - дейді қалалық қоғамдық даму орталығының маманы Асылжан Темірәлиев.
Жасыл елдің жасақшылары дүйсенбі-жұма күндері қаладағы тазалық жұмыстарына араласып, маусымдағы еңбектері үшін 48 395 теңге жалақы алады.
Сондай-ақ, жас еңбекшілерге Ақтау қалалық санитариялық-эпидемиологиялық бақылау басқармасы мамандары арнайы түсіндірме жұмыстарын жүргізді. Сонымен қатар, оларға еңбек шарты және еңбек формасы берілді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.