Маңғыстау облысының аумағында шектеу шараларын белгілеу туралы Маңғыстау облысының бас мемлекеттік санитариялық дәрігері Ғазиз Надуевтің 2021 жылғы 04 маусымдағы жаңа қаулысы
Осы қаулы Маңғыстау облысының COVID-19 бойынша эпидемиологиялық жағдайын бағалау матрицасына сәйкес, «аймақтан» «аймаққа» ауысуы кезінде қолданылады. Қаулы 2021 жылғы 7 маусымның сағат 00:00-нен бастап күшіне енеді.
Маңғыстау облысының бас мемлекеттік санитариялық дәрігері Ғазиз Надуев қалалар мен аудандар әкімдері, мемлекеттік органдар және ұйымдар, кәсіпорындар, құқық қорғау және арнайы органдар, «Атамекен» ӨКП қамтамасыз етуді қаулы етеді:
1) осы қаулының 1-қосымшасына сәйкес, эпидемиологиялық жағдайды бағалау матрицасына байланысты, Қазақстан Республикасының Бас мемлекеттік санитариялық дәрігерінің «Қазақстан Республикасының Бас мемлекеттік санитариялық дәрігерінің қаулыларына өзгерістер мен толықтырулар енгізу туралы» 2021 жылғы 30 сәуірдегі №17 қаулысымен белгіленген өлшемшарттар негізінде Маңғыстау облысы аумағындағы әлеуметтік-экономикалық объектілердің қызметін шектеуді;
2) енгізілген өзгерістер мен толықтыруларды ескере отырып, Қазақстан Республикасының Бас мемлекеттік санитариялық дәрігерінің 2020 жылғы 25 желтоқсандағы №67 қаулысына сәйкес объектілердің қызметіне қойылатын талаптарды сақтауды;
3) эпидемиологиялық жағдай 5 күн ішінде күрделенген жағдайда («жасыл» аймақтан «сарыға» немесе «сары» аймақтан «қызылға» өту) шектеу шараларын қатаңдатуды, «сары» аймаққа «қызылдан» немесе «жасыл» аймаққа «сары» аймақтан ауысқаннан кейін 7 күннен ерте еместе карантиндік шараларды жеңілдетуді;
4) Қазақстан Республикасының Бас мемлекеттік санитариялық дәрігерінің «Кәсіпкерлік объектілерінде «Ashyq» жобасын енгізу туралы» 2021 жылғы 03 маусымдағы №26 қаулысына сәйкес кәсіпкерлік объектілерінде «Ashyq» жобасын енгізуді.
Маңғыстау облысының Бас мемлекеттік санитариялық дәрігерінің «Маңғыстау облысының аумағында карантиндік шектеу шараларын жеңілдету туралы» 2021 жылғы 14 мамырдағы №10 қаулысының күші жойылды деп танылсын.
Әлеуметтік-экономикалық нысандардың жұмысын шектеу бойынша қосымша критерилермен №1 қосымшада танысуға болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
