Жаңаөзенде велосипед ұрлаған тұрғын ұсталды

Жаңаөзен қаласында полиция қызметкерлері велосипед ұрлады деген күдікпен 47 жастағы жергілікті тұрғынды ұстады, деп хабарлайды mangystaumedia.kz.

25 шілдеде Жаңаөзен қаласы ПБ учаскелік полиция инспекторына жергілікті тұрғын жүгінді. Арызданушының айтуынша, белгісіз адам оның үйінің кіреберісінде тұрған велосипедті ұрлап кеткен. Залал сомасы 35 мың теңгені құрады. Сонымен қатар, қаскүнемнің әрекеттері бейнебақылау камерасына түскен. Күдікті өз әрекеттерін мойындады.

Аталған дерек бойынша ҚР ҚК 188-бабы бойынша сотқа дейінгі тергеу басталды. Тергеу мүддесіндегі өзге ақпараттар жария етілмейді, делінген МО Полиция департаментінің баспасөз қызметі таратқан ақпаратта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.