© Көрнекі сурет
Кеше өңірге Ақтөбеден 1 000 түк шөп жеткізілді. Бұл іске жас депутаттар корпусы мен белсенді азаматтар, «Biz birgemiz» еріктілер қозғалысының мүшелері жұмылдырылды, деп хабарлайды mangystaumedia.kz.
Ақтөбелік жастар мал азығын Темір ауданының маңындағы алқабынан тиеп, жүк көлігін Маңғыстауға жөнелтті. Маңғыстау облыстық «Jas Otan» жастар қанаты белсенділері 1000 түк шөпті күтіп алып, мұқтаж отбасыларға әкімдікпен бірлесе үлестірді.
«Маңғыстау облысында қуаңшылық жағдайының орын алуына байланысты «Nur Otan» партиясы жанындағы «Jas Otan» жастар қанаты барлық өңірдегі белсенділермен бірлесіп, Ақтөбе облысынан 1 000 мың түк шөп біздің облысқа көмекке жіберді. Осындай кезде жастар қанатының белсенділері бір кісідей жұмылып, қиындықпен күресуге тамшыдай болса да үлес қосып жатыр. Ақтөбеден жіберілген шөпті Түпқараған ауданындағы Ақшұқыр ауылына жеткізіп, отбасыларға тегін тараттық», - деді «Jas Otan» жастар қанаты МОФ төрағасы Наурызбек Мағдатов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
