Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысының полиция департаменті WhatsApp желісі арқылы тарап жатқан Мұнайлы ауданының тұрғыны вакцина еккеннен кейін қайтыс болғандығы туралы ақпараттың жалған екенін хабарлайды. 1978 жылы туған азамат 19 қаңтар күні қан қысымының көтеріліп кетуінен көз жұмған. Ешқандай екпе егілмеген.
"Жалған ақпарат таратқандарға 1 мың айлық есептік көрсеткіш көлемінде айыппұл салынатынын немесе 1 жылға дейін бас бостандығынан айыру жазасының тағайындалатынын ескертеміз", - дейді Маңғыстау облысының полиция департаменті.
Мұнайлы ауданы Батыр ауылының тұрғыны вакцинациядан кейін қайтыс болғаны туралы әлеуметтік желілерде таратылған ақпаратқа сәйкес Маңғыстау обысы санитариялық-эпидемиологиялық бақылау Департаменті төмендегілерді хабарлайды. Қазақстан Республикасы ВАК шешімі бойынша вакцинаның бірінші партиясын Маңғыстау облысының аумағына 2021 жылдың 28-29 қаңтарына жеткізу жоспарланған. Бірінші жарты жылдықта медициналық қызметкерлерге, жұқпалы аурулар ауруханаларына, жедел медициналық көмек қызметтеріне, санитарлық-эпидемиологиялық қызметтерге, құқық қорғау органдарына және мұғалімдерге вакцина егу жоспарланып отыр. Ал, қайтыс болған азамат бұл категориялардың біріне де жатпайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.