Маңғыстау облысынан Самат Мұсабаев, Еділ Жанбыршин және Оспан Қазақбаев Мәжіліс депутаттығына үміткер атанды, - деп хабарлайды mangystaumedia.kz сайты.
Ақтау қаласында өткен «Nur Otan» партиясы Маңғыстау облыстық филиалының кезектен тыс XXXII конференциясында Мәжіліс депутаттығына үміткерлерге дауыс беру рәсімі өтті.
Конференцияға қатысушы делегаттар «Праймериз» ақпараттық жүйесі арқылы 9 үміткерге дауыстарын берді. Үміткерлер ішінен 94 делегат лайықтыларды анықтап, әрбір делегатқа бірнеше дауыс берді. Яғни, әрбір делегат бір үміткерге немесе тізімдегі барлық үміткерге дауыс беруге мүмкіндігі болды.
Дауыс беру қорытындысы бойынша 3 үміткер Самат Мұсабаев, Еділ Жанбыршин және Оспан Казақбаев жоғары ұпай жинады. Ал пікірсайысқа қатысқан басқа үміткерлер облыстық мәслихаты депутаттыққа үміткер ретінде бекітілді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
