Ақтаудағы мектептерге 1 100 компьютер мен 2 737 ноутбук берілді

Ақтау қаласындағы мектептерге 1100 компьютер, 2737 ноутбук берілді. Қаражат республикалық бюджет есебінен қарастырылған. Бұл туралы mangystaumedia.kz сайты Ақтау қаласының әкімдігіне сілтеме жасап хабарлайды.

Аталған техникалар аз қамтылған отбасыларға, жетім балаларға, көп балалы аналардың балаларына таратылып бастады.

Мәселен, қаладағы №9 орта мектепке 90 компьютер құрылғысы бөлінді.

«Биылғы 2020-2021 оқу жылы қашықтықтан оқу форматында жалғасқандықтан мемлекет тарапынан мектебімізге 90 компьютер берілді. Алғысымыз шексіз. Бұрын осындай аз әлеуметтік төмен топтағы отбасылардың балаларына мектепте қолданыстағы 29 компьютер берілген болатын. Қазіргі кезде сұраныс бойынша таратамыз. Енді осының арқасында оқушылар 100% қатысады деп ойлаймын», деді мектеп мұғалімі Мадина Алиева.

Жалпы Ақтаудан бөлек, Жаңаөзен қаласы мен Бейнеу, Мұнайлы ауданындағы аз қамтылған отбасылардың балалары да 18704 (он сегіз мың жеті жүз төрт) компьютерлік жабдықтармен қамтылатын болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.