Соның ішінде 9 орын тұрмыстық қатты қалдық қабылдайтын ескі полиган аумағында орналасқан. Бұл туралы Маңғыстау облысының қоғамдық коммуникация орталығында өткен онлайн брифингте Мұнайлы аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің басшысы Берік Әбдіхалық мәлімдеді, - деп хабарлайды mangystaumedia.kz сайты.
«Баянды ауылында 7, Қызылтөбе ауылдық округінде 17, Батырда 3, Дәулет ауылында 4, Басқұдықта 17 қоқыс орны бар. Алдағы уақытта аталған орындарды тазалау ауылдық елді мекендердің санитария тазалығы есебінен жүргізілетін болады. Санитария қызметінің мемлекеттік сатып алу конкурстары дер кезінде жарияланып, қазіргі таңда мердігерді анықтау шаралары аяқталды және тиісті келісім-шарттары жасақталған болатын. Алайда Қызылтөбе ауылының жасақталған келісім-шарты ішкі мемлекеттік аудит қорытындысы негізінде заңсыз деп танылып, бір тараптан тоқтатылып, конкурс қайта жарияланды», - деді ол.
Маңғыстау облысы Мұнайлы аудандық мәслихатының 2019 жылғы шешімімен тұрмыстық қатты қалдықтарды жинауға, тасымалдауға және көмуге арналған тарифтерді бекіту қызметі бойынша тариф құны бекітілген болатын. Жеке тұлғалар үшін 195,90 теңге, заңды тұлғалар 2 500 теңге төлейді.
Мұнайлы ауданы бойынша ТҚҚ контейнерлерге қажеттілік саны – 4 084 дана. Былтыр 1 724 дана контейнер орнатылды. Бұл қажеттіліктің 43 пайызы қамтамасыз етілді.
«Әлеуметтік желіде қоқыстардың шығарылмауы жөнінде шағымдар көп болған. Оның себебі тұрғындармен ТҚҚ шығаруға келісімшартқа отырған соң өзінің міндеттерін тиісті деңгейде орындамаған мекемелерден болды. Казіргі таңда өз ісіне немқұрайлы қарайтын мекемелердің орнына жаңа мекемелер тізімі жасақталды», - деді Б. Әбдіхалық.
Айта кетейік, биыл өңірдегі ғарыштық мониторинг нәтижесі бойынша 148 рұқсатсыз төгілген қоқыс орны анықталған болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
