Ақтауда трансформаторлық қосалқы станция өртенді

Бүгін Ақтаудағы 2 шағынауданда трансформаторлық қосалқы станция өртенді, - деп хабарлайды mangystaumedia.kz сайты.

Төтенше жағдай сағат 15:09 шамасында болған. Өрт сөндірушілер трансформаторлық қосалқы станциясының өртенгенін естіген соң 3 минуттың ішінде оқиға орнына жеткен. Алайда өрт сөндірушілер трансформатордың тоқтан ажыратылуын 20 минут бойы күткен. Содан кейін 5 минуттың ішінде өрт толықтай өшірілді. Осы трансформаторға тәуелді шағынауданның кей тұрғын үйлері жарықсыз қалды.

«Өрт өшірілді, өрт сөндірушілер арнайы техникамен жұмыс істеді. Зардап шегушілер жоқ», - деді төтенше жағдай департаментінің баспасөз қызметі.

Жұлдызай ҚАЛИЕВА

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.