Маңғыстау облысында 62 бала ит қабу дерегі бойынша медициналық көмекке жүгінген. Соңғы жағдай Мұнайлы ауданы Басқұдық ауылында болған, - деп хабарлайды mangystaumedia.kz сайты.
«12 жасар бала аяғын көршісінің иті бірнеше жерден тістеген. Маңғыстау облыстық көпбейінді балалар ауруханасының мамандары жарақат алған балаға шұғыл түрде ота жасады және құтыруға қарсы вакцина алу шараларын ұйымдастырды. Өміріне төніп тұрған қауіп жоқ», - деді Маңғыстау облыстық денсаулық сақтау басқармасының баспасөз қызметі.
Айта кетейік, былтыр ит қабу дерегі бойынша 143 адам медициналық көмек сұрап емханаға келген. Маңғыстау облыстық шұғыл медициналық жәрдем станциясына Мұнайлы ауданының Басқұдық және Атамекен ауылдары, сондай-ақ Түпқараған ауданының Ақшұқыр және Сайын Шапағатов ауылдарынан жиі хабарласады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
