Робототехникадан ел чемпионатына іріктеу өтеді

«USTEM Foundation» қоғамдық қоры ҚР Білім министрлігінің қолдауымен робототехникадан аймақтық іріктеу чемпионатын өткізеді, деп хабарлайды mangystaumedia.kz сайты ведомствоның баспасөз қызметіне сілтеме жасап.

Еліміздің барлық мектептерінің оқушылары келесі номинациялар бойынша ұлттық кезеңге аймақтық іріктеулерге қатысуға шақырылады:
1. FIRST LEGO League Explore (6-10 жас)
2. FIRST LEGO League Challenge (10-16 жас)
3. FIRST Tech Challenge (12-18 жас)

Өткен жылы байқауға Қазақстанның түкпір-түкпірінен 10 мыңнан астам оқушы қатысты. Хьюстонға 50-ге жуық мектеп оқушысы аттанып, үш беделді марапат әкелінді.

«FIRST in show чемпионатының жаңа маусымы өнер тақырыбына арналған және STEM арқылы оқушылардың шығармашылық әлеуетін дамытуға бағытталған. Ел біріншілігіне командаларды екі кезеңде таңдаймыз: әлеуметтік желілер арқылы онлайн іріктеу және аймақтық іріктеу жарыстары. Биыл Қазақстанның барлық 17 облысы мен республикалық маңызы бар 3 қалада облыстық іріктеу өткізуді көздеп отырмыз. Әсіресе ауыл мектептерінің оқушыларына ерекше назар аударғымыз келеді», - деді аталған қордың негізін қалаушы Нұрдәулет Досмағамбет.

Байқауға қатысу тегін. Еліміздегі барлық дерлік мектептерінде жарысқа қатысуға қажетті құрал-жабдықтар бар. Байқау туралы ереже firstrobotics.kz сайтында жарияланған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.