Мүгедектігі бар адамға жұмыс берушіге мемлекеттен берілетін субсидия көлемі артты

© Gov.kz

Мемлекет мүгедектігі бар адамдарға арналған жұмыс орындарын ұйымдастыру шығындарына төленетін субидия көлемін ұлғайтты, деп хабарлайды mangystaumedia.kz ҚазАқпаратқа сілтеме жасап.

Еңбек және халықты әлеуметтік қорғау вице-министрі Олжас Ордабаев орталық коммуникациялар қызметінде мүгедектігі бар жандарды жұмыспен қамтып отырғандарға берілетін субсидия туралы айтты.

«Биыл халықтың әлеуметтік тұрғыда осал топтарын жұмыспен қамту шаралары қайта қаралды. Біріншіден зейнет жасына жақындап қалған қалған адамдардың жұмысқа орналасу мүмкіндіктерін кеңейту үшін «Күміс жас» жобасына қатысушылардың жасы 50-ге дейін түсірілді. Қатысушылардың жалақысын субсидиялау мерзімі 3 жылға дейін ұзартылды», - деді Олжас Ордабаев.

Сондай-ақ, ол мүгедектігі бар адамдарға жұмыс ұсынғандарға қандай қолдау көрсетілетінін атады.

«Екіншіден, мүгедектігі бар адамдарға арналған жұмыс орындарын ұйымдастыру тетіктері қайта қаралды. Биылдан бастап мұндай жұмыс орындарын ұйымдастырған жұмыс берушілердің шығынын өтеу үшін 300 айлық есептік көрсеткіш көлемінде субсидия төленеді», - деді вице-министр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.