Серікбай Трұмов Терджан Танселмен кездесті

Облыс әкімі Серікбай Трұмов Түркияның «Файн Отель Туризм Ишлетмеджилик» компаниясының өкілі Терджан Танселмен кездесіп, Маңғыстау облысы әкімдігі мен аталмыш шетелдік компания арасындағы ынтымақтастық туралы меморандумға қол қойды, - деп хабарлайды mangystaumedia.kz сайты Маңғыстау облысы әкімінің баспасөз қызметіне сілтеме жасап. Құжатта Облыста "Resort Hotel" тұжырымдамасында қызмет көрсету сапасын арттыру, бизнесті халықаралық платформада ілгерілетуді қамтамасыз ету және шетелдік туристерді тартуға ықпал ету және «Файн Отель Туризм Ишлетмеджилик» компаниясының өңірімізде қонақ үй, мейрамхана, туристік қызмет көрсету саласында орта буын мамандарын даярлау ұсыныстары көрсетілген. Дәлірек айтсақ, Маңғыстауда қызмет көрсету саласы бойынша студенттер оқытып отырған колледжінің студенттерін және облыс тұрғындарын қонақ үй, тамақтану саласында оқытатын болады. Сондай-ақ, табысты тыңдаушыларды Түркия мемлекетіндегі «Rixos» қонақ үйлеріне тағылымдамадан өткізеді. Жиында сөз алған өңір басшысы Серікбай Трұмов: «Өздеріңізге белгілі 2018 жылы Елбасымыз Нұрсұлтан Әбішұлы өңірімізге жұмыс сапары кезінде «Ақтау қаласы келешекте Қазақстанның Анталиясына айналатын болады» деп айтқан болатын. Осы бағытта қазіргі таңда Ақтау қаласының теңіз жағалауында түрік инвесторларының қолдауымен қонақ үй кешенінің құрылысы басталып кетті. Үкімет тарапынан жағалауды инфрақұрылыммен қамтамасыз ету бойынша барлық тиісті жұмыстар жүргізіліп жатыр. Бұл жоба еліміздің экономикалық дамуында алатын орны өте маңызды. Жобаның жүзеге асуы өңірдің туризм саласының дамуына тың серпін берері сөзсіз. Жобаның бірінші кезеңі келесі жылы іске қосылады деп күтілуде» - деді.

Суреттерді түсірген Серік МАЙЕМЕРОВ

[gallery td_select_gallery_slide="slide" ids="87610,87611,87612,87609"]