Жолаушыны діттеген жеріне қауіпсіз жеткізу - жолсерік міндеті

Маңғыстау вокзалынан алып қала Алматыға пойыздар күн сайын жөнелтіледі. Соған қарамастан, жолаушылардың саны артып, билет таппай сенделетін сәт -  жаз айлары. Осы маусымда жолаушылары көбейетін Маңғыстау-Алматы бағытындағы № 377-378 нөмірлі маршруттың қызмет құрамымен танысып қайтқан едік. Жақында ғана теміржолшылар төл мерекелерін тойлаған еді. Бұл саладағы қызметтің ауыры, не жеңілі болмайды десек артық болмас. 115 жылдық тарихы бар Қазақстан теміржолының көркеюіне өз үлестерін қосып жүрген қызметкерлердің жұлдызы әрқашан жарық болмақ. Көзге оңай көрінетін пойыз жолсерігінің қызметі біршама жауапкершілікті талап етеді. Біз тілдескен Маңғыстау-Алматы бағытындағы пойыз құрамының әр маманы өздеріне міндеттелген қызметке адал және соған берілген сертіне берік. Бұл жұмыстың қиындықтары болса да, жолаушыларды діттеген жеріне қауіпсіз жеткізу жолсеріктер мен пойыз бастығының жауапкершілігінде. Маңғыстау-Алматы бағытында қатынайтын құрамның пойыз бастығы Жасұлан Ержанов 37 жаста. Ақтөбе өңірінің тумасы. Ол теміржолдағы қызметін 2006 жылы жолсерік ретінде бастаған. Жас болса да, басшы болып жүрген Жасұлан ұжымдастарының ортасында сыйлы азамат. [caption id="attachment_83876" align="alignright" width="258"] Пойыз бастығы Жасұлан Ержанов[/caption] Жолда көптеген оқиғалар болып жатады. Кей кезде медициналық көмек керек болады, сондай кездерде алғашқы көмек көрсетіп, жақын станциядан жедел жәрдем шақыртатын кез де болады. Қазіргі плацкарт вагондарында салқындатқыштың жоқтығы қиындық тудырып тұр. Оның үстіне жол ұзақ. Жаңа вагондар қосылғаннан кейін бұл қиындықтардың бәрі артта қалады деп ойлаймыз. Көш жүре түзеледі демекші, жаңашылдықтардың игі бастамасына қуананыштымыз, - дейді Жасұлан Ержанов. Жолаушылармен жұмыс жасап, барлығының көңілін табу оңайға соқпайтыны белгілі. Осы орайда жолсеріктердің жұмыс сапасы жіті қадағаланып отырады. Басты назарға алынып отырған жолаушылармен жасалатын жұмыста туындайтын қиындықтар мамандар тарапынан оңтайлы шешімін табу үстінде. 26 жолсерігі мен пойыз электромеханигі бар маршруттық құрамдағы әр жұмысшы өз жауапкершілігі мен қауіпсіздік ережелерінен жаңылыспайды. Жақсы басшы оздырады дегендей, пойыз бастығы Жасұланның үлкен-кіші әріптестерінің ілгерілеуіне қосқан үлесі зор. Ауызбіршілігі мықты ұжым әр сапарға жаңа күшпен, жаңа бастамамен шығады. Жұмысшылардың қауіпсіз жұмыс жағдайларын қамтамасыз етуге және жұмыс орындарын жұмысты орындау үшін қажетті барлық жұмыс орындарын жабдықтауға бақыланады. Жұмысшылардың технологиялық операциялардың дұрыс орындалуын, олардың еңбек сапасы мен өнімділігін бақылау - біздің міндет. Жұмыс сапасына байланысты кемшіліктер анықталған жағдайда оларды жою үшін жұмысшыларға қосымша нұсқау беріледі, - дейді Маңғыстау аймақтық телімінің өндірістік оқыту және техникалық мәселелердің нұсқаушысы Ғалымжан Көккөзов.

Махаббат НҰРЖАНҚЫЗЫ

Суреттер автордан

[gallery td_select_gallery_slide="slide" ids="83880,83881"]