Даладан табылған аққулар Қаракөлге жіберілді
[ 2019 ] 11 шілде, 06:33 | Жаңалықтар
Бейнеу ауданына қарасты Боранқұл ауылының тұрғындары құм үстінде оншақты аққудың жүргенін хабарлаған. Құстарды құтқару үшін жедел топ құрылып, "Қызылсай" мемлекеттік табиғи паркінің инспекторлары оқиға орнына аттанған, - деп хабарлайды mangystaumedia.kz сайты.
- Жақында болған жауынды құстар су айдынымен шатастырып алған сияқты. Азықтың жоқтығынан әлсіреп, әрі қарай жол жүруге қауқарсыз болған, - деп пайымдады мамандар.
Өкінішке қарай, қатты ыстықта әлсіреген қанаттылардың екеуі өліп қалған. Ал, біреуін көлік басып, төрт аққу ұшып кеткен деген. Қалғандарын мамандар түнімен 10 сағат жол жүріп, Ақтаудың іргесіндегі Қаракөл жасанды көліне жіберді.
Махаббат НҰРЖАНҚЫЗЫ
1374
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
