Сайлау күні Алматы мен астанада әуе кеңістігін пайдалануға шектеу қойылды

©

ҚР Президентін сайлау күні Нұр-Сұлтан және Алматы қалаларында әуе кеңістігін пайдалануға шектеулер. Бұл шектеулер ұшқышсыз ұшу аппараттарын пайдалануға салынды, - деп хабарлайды mangystaumedia.kz сайты ҚР Азаматтық авиация комитетіне сілтеме жасап. "2019 жылғы 9 маусымнан 04.00-ден 24.00-ге дейін Нұр-Сұлтан және Алматы қалаларының аумақтарында ұшқышсыз ұшу аппараттарын пайдалану бойынша уақытша шектеу қойылады. Бұл ҚР ИИДМ, ҚР ІІМ және ҚР Қорғаныс министрлігінің келісілген шешімі екенін хабарлаймыз. Шектеулер жер бетінен 500 метрге дейінгі биіктікке қолданылады", - делінген ақпаратта. Осыған байланысты аталған қалалардың әуе кеңістігінде таңғы 4-тен түнгі 12-ге дейін ұшуға рұқсат берілмейді. Бірақ бұл шектеулер Нұр-Сұлтан мен Алматы әуежайларының қызметіне және жоспарлы рейстерге қатысты емес. "Шектеулі ұшу аймағында (ұшқышсыз ұшу аппаратын ұшырған жағдайда) рұқсат етілмеген аппаратты қолданған адамға 10 АЕК мөлшерінде, лауазымды тұлғаларға 20 АЕК мөлшерінде әкімшілік айыппұл салынады", - делінген хабарламада. Айта кетелік, ұшу аппараттарын пайдалану тәртібін ҚР ИИДМ сайтында жарияланған.