Тоқаев «Қаламқас» кен орнындағы жағдайды өз бақылауына алды
[ 2019 ] 27 наурыз, 04:56 | Жаңалықтар
ҚР Президенті Қасым-Жомарт Тоқаев «Қаламқас» мұнай-газ кен орнындағы жағдайды өз бақылауына алатынын айтты. Сондай-ақ ол Үкіметке бірқатар тапсырма жүктеді, - деп хабарлайды mangystaumedia.kz сайты.
«Үкіметке «Қаламқас» кен орнындағы өртті тоқтатып, төтенше жағдайды қалыпқа келтіру жөнінде тиісті шаралар қабылдауды тапсырдым. Бұл мәселе менің бақылауымда», - деп жазды Президент
Twitter-дегі парақшасында.
Естеріңізге сала кетейік, "Маңғыстаумұнайгаз" АҚ диспетчерлік қызметінің ақпаратына сәйкес, 2019 жылдың 13 наурыз күні 8237 ұңғымасын салу кезінде газды-су қоспасы атқылаған. Ал 25 наурыз күні сағат сағат 05.46 шамасында апатты ұңғыманың газ-су қоспасының
ошағы жана бастады. 26 наурыз күні от
№8237 ұңғымасына ауысқаны туралы хабар келіп түскен. Кеше Нұр-Сұлтан қаласы мен Ақтауда құзырлы орган өкілдері біріккен брифинг беріп, жағдайдың бақылауда екенін, жедел топ жұмыс жасап жатқанын, отты сөндіру үшін Атыраудан қосымша
техника алдырылғанын жеткізді.
1057
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
