Ақтауда адъюнкт-профессор Басскаран Наирмен кездесу өтті
[ 2019 ] 11 қараша, 06:42 | Жаңалықтар
Ақтауда Ли Куан Ю атындағы мемлекеттік саяси мектебінің адъюнкт-профессоры Басскаран Наирмен кездесу өтті, - деп хабарлайды mangystaumedia.kz сайты.
Жиынға облыс әкімінің орынбасары Қаныбек Жұмашев, аумақтық департамент басшылығы мен қызметкерлері, сонымен қатар Н. Назарбаев университеті Жоғары мемлекеттік саясат мектебінің Біліктілікті арттыру департаментінің менеджері Жанар Исмаилова қатысты.
Профессор Басскаран Наир басшылардың қызметкерлермен, қарапайым халықпен байланыс орнатуға, жұртшылықпен тиімді коммуникация құруға арналған стратегиялар тізбесін баяндады.
Сондай-ақ Басскаран Наир мемлекеттегі басқару жүйесімен және саяси тәжірибесімен бөлісті. Спикердің айтуынша Сингапурдың мемлекеттік қызметі адам капиталын басқаруға және барлық деңгейдегі көшбасшыларды дамытуға үлкен көңіл бөледі.
Еліміздегі университеттер мен колледждер екі елдің де мемлекеттік қызметі үшін кадрлар даярлау жөніндегі мемлекеттік сектор басшылары арасында көшбасшылық қасиеттерді дамыту бойынша іс-шараларды өткізу үшін барлық мүмкіндіктерге ие.
Cингапур мен Қазақстанның жоғары білім беру саласындағы ынтымақтастық жылдан жылға дамып келеді. Сингапур - мемлекеттік басқару реформалары саласында әлемде көшбасшылардың бірі, яғни оларды тиімді іске асыруда табысты үлгі көрсетті деуге болады.
Махаббат НҰРЖАНҚЫЗЫ
Суреттер ҚР Мемлекеттік қызмет істері агенттігінің МО департаментінен алынды
2428
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
