Хабиб Нурмагомедов пен Конор Макгрегор спорттан шеттетілді

Ресейлік UFC чемпионы Хабиб Нурмагомедовке және ирландық  UFC шебері Конор Макгрегорге жекпе-жектен кейін жаппай төбелеске қатысқандары үшін жазалау шаралары енгізілді, деп хабарлайды mangystaumedia.kz сайты ҚазАқпаратқа сілтеме жасап.

Атап айтқанда, Невада штатының спорт комиссиясы  (NSAC) Нурмагомедовты тоғыз айға спорттан шеттетті. Сондай-ақ ол 500 мың доллар көлемінде айыппұл төлейтін болды.

Хабиб буллингке қарсы (оқу орындарындағы жәбірлеу, қудалау) әлеуметтік іс-шараларға қатысатын болса, оның шеттетілу мерзімі алты айға дейін қысқаруы мүмкін.

Макгрегор де тоғыз ай жекпе-жектерге қатыса алмайды және оған 50 мың доллар көлемінде айыппұл салынды.

Спорттан шеттетілу мерзімі айқас өткен күннен - 6 қазаннан бастап есептеледі.

Еске салайық, Лас-Вегаста T-Mobile Arena-да Нурмагомедов төртінші раундта Макгрегорды қылқындыру әдісімен жеңген еді. Кездесуден кейін дағыстандық спортшы Нурмагомедов  Конор Макгрегордың достарына тап берген болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.