©
Ақтөбе, Батыс Қазақстан, Атырау облысының мемлекеттік қызметкерлері мен БАҚ өкілдері Маңғыстауда бас қосты. Олар үш күн бойы «Рухани жаңғыру» бағдарламасын тиімді жүзеге асыру, бағдарлама мәнін халыққа қолжетімді етіп түсіндіру төңірегінде машықтандыру дәрістерін алды.
15 және 31 қазан аралығында Қазақстан бойынша мемлекеттік органдар мен мемлекеттік сыңайлы сектор өкілдері, сондай-ақ бағдарламаның жобалық кеңселері, соның ішінде баспасөз хатшылары, ІТ менеджерлер үшін семинар-тренингтер сериясы өткізілмек.
«Бұл республикалық деңгейдегі семинар ҚР Премьер министрінің кеңсесі басшылығының 2017 жылғы тапсырмасы аясында өтіп жатыр. Мемлекеттік орган қызметкерлері, журналистер «Рухани жаңғыру» бағдарлдамасы аясында қалай жұмыс істеуі керек? Қалай дұрыс насихат жүргізу қажет? Осы төңіректе тренингтер жүргізіледі. Қоғамдық сананы жаңғырту бағдарламасын жүзеге асыру үшін кадрларды қарқынды дайындау мақсатында мемлекеттік мекемелер, баспасөз қызметтері мамандары мен басшыларына, сонымен қатар журналистерге арналған семинар-тренингтер өткізу қолға алынды. Оқу қорытындысында қатысушылар көпшілік алдында сөйлеу, басқару құзыреті машықтарын жетілдіріп, digital-коммуникация, цифрландыру әдістерін үйренеді», - дейді Орталық коммуникациялар қызметі өңірлік медиа-саясат басқармасының басшысы Олжас Қауышев.
Семинар медиа доспарлаудың тиімділігін арттыру, әлеуметтік желілермен жұмыс, көпшілік алдында сөйлеу өнері, жобаларды басқару, сұхбаттасу, этникалық топтармен жұмыс тәрізді негізгі тақырыптарды арқау етті. Оларға PR-кеңесші, медиа жаттықтырушылар, сертификатталған халықаралық жаттықтырушылар дәріс өткізді. Республика бойынша семинар жүргізуге шақырылған 20-ға жуық білікті маманның бесеуі Ақтауға келді.
Ақтаудан басталған семинар-тренинг Өскемен қаласында жалғаспақ. Одан соң Павлодар, Алматы қаласында өтіп, соңғы түйін Астана қаласында қойылмақ.
Теңге БЕКМҰРЗАЕВА
Суреттерді түсірген Талант ҚҰСАЙЫН
[gallery td_select_gallery_slide="slide" ids="63608,63607,63606,63605,63604,63603"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
