Президент Әбіш Кекілбайұлы музейін уақытында аяқтауды тапсырды
[ 2019 ] 12 сәуір, 07:51 | Жаңалықтар
ҚР Президенті Қасым-Жомарт Тоқаев Маңғыстау облысының жұртшылық өкілдерімен кездесу кезінде Әбіш Кекілбайұлы музейін сапалы және уақытында аяқтауды тапсырды. Бұл туралы Ақорданың Туиттердегі парақшасына жарияланды, - деп хабарлайды mangystaumedia.kz сайты.
"Қазір Әбіш Кекілбаев музейі салынып жатыр. Облыс әкіміне құрылыс жұмыстарын сапалы және уақтылы бітіруді тапсырамын. Мерейтойды біз тұтас ел болып, жоғары деңгейде атап өтеміз", - деді Президент.
Мемлекет басшысы Әбіш Кекілбаевтың қазақ әдебиетінде ғана емес, тәуелсіз Қазақстанның тарихындағы орнына тоқталды.
«Киелі өлкеден шыққан айтулы тұлғаларды барша халқымыз жақсы біледі. Солардың бірегейі - заңғар жазушымыз, мемлекет қайраткері, қазақтың абызы атанған Әбіш Кекілбаев», - деді Тоқаев.
1642
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
