Жуырда аудандық Мәдениет үйінің фойесінде Құрық ауылының әкімдігі және аудандық жұмыспен қамту орталығының ұйымдастыруымен бос жұмыс орындар жәрмеңкесі өткізілді.
Шараның ашылу салтанатында сөз алған аудан әкімінің орынбасары Е. Күмісқалиев жұмыссыздық мәселелерін жою бағытында мемлекет тарапынан жүзеге асырылып жатқан «Жұмыспен қамту-2020» жол картасы бағдарламасына кең түрде түсінік бере отырып, өткізіліп жатқан шараға белсене ат салысуға шақырды.
Шара барысында жұмыс көзін іздеп жүрген азаматтар назарына 13 мекеме: атап айтқанда «Қарақия кәсіптік колледжі», №1 орта мектеп, №6 орта мектеп, «Ерсай» ЖШС- гі «Жаңа серпін», «Стамгазстрой», «Жандиг-С» ЖШС-тері, аудандық тұрғын үй коммуналдық шаруашылығы, жолаушы көлігі және автомобиль жолдары бөлімі, аудандық қаржы бөлімі, «Болашақ» балабақшасы, тағы да басқа мекемелерден бос тұрған жұмыс орындары ұсынылды. Өткізілген жәрмеңкеге 60-қа жуық жұмыс іздеуші ауыл тұрғындары қатысып, қалаған мамандықтары бойынша түйіндемелер тапсырды.
Майра ҚУАНЫШБАЙҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
