«Басқұдықтағы» балалар күні
[ 2017 ] 2 маусым, 09:59 | Жаңалықтар
Басқұдық ауылындағы «Басқұдық» сауда орталығының директоры Ерболат Айтжанов пен осы нысандағы «Еркетай» ойын-сауық орталығының басқарушысы Эльмира Қалмұратова балалар мерекесінде мол мүмкіндіктер ұсынып отыр.
1 маусым күні олар ауыл әкімдігінің қолдауымен басқұдықтық 30 мүмкіндігі шектеулі балаға түрлі ойыншықтар үлестіріп, жергілікті өнер жұлдыздарының қатысуымен концерт ұйымдастырды. Кәсіпкерлердің қасиетті айда балғындарға жасап отырған тартуы бұл ғана емес. Енді «Еркетайға» әр бала 20 пайыздық жеңілдікпен кіре алады. Мүмкіндіктің мерзімі маусымның 2-12 аралығында.
- 4 жастан 14 жасқа дейінгі қаракөздерімізге тағы бір жаңалығымыз бар. Олар маусымның 2-нен бастап 10 күн бойына орталықта өтетін тегін шеберлік сыныптарына қатыса алады. Онда балақайларымыз мамандардың көмегімен қолөнер бұйымдарын жасауды, аквагримді, түрлі тәттілер пісіру, сурет салу, басқа да өнер түрлерін үйренеді,-дейді Е.Айтжанов.
841
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
