Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
15 сәуір күні Алматы қаласында шығыс жекпе жегі - Джиу джитсудан IV республикалық ашық турнир өз мәресіне жетті. Қазақстандағы джиу-джитсудың негізін қалаушы Сүйіндіков Рүстем Мәлікұлын еске алуға арналған, дәстүрлі түрде өтетін бұл жарысқа еліміздің түкпір түкпірінен ең мықты деген спортшылар қатысып, күш сынасты.
Маңғыстау облысының намысын қорғауға аттанған 6 спортшымыздың барлығы да – Шоқыр Бөлтекұлы атындағы жоғары спорт шеберлігі мектебінің тәрбиеленушілері жоғары деңгейден көріне білді. 6 спортшының төртеуі жүлделі орынға ие болды. Атап кетсек, «Неваза жүйесі» бөлімі бойынша 77 келі салмақ дәрежесінде Есболов Нұрлан 1 орынды, 69 келі салмақта Закарин Жанболат 1 орынды және 56 келі салмақ дәрежесінде Қонысов Қуандық 1 орынды қанжығасына байлады. Ал 62 келі салмақта маңғыстаулық Жәнібек Әбубәкір 3 орынға ие болып, марапатқа ие болды. Жаттықтырушы Болат Дюсенбиевтің айтуынша, спортшыларымыздың барлығы да мықты дайындықтарын көрсете білді. Джиу-джитсу бойынша аймағымыздың абыройын ел деңгейінде асқақтатқан жеңімпаздарымызды құттықтаймыз!
Ш.Бөлтекұлы атындағы жоғары спорт шеберлігі мектебінің баспасөз қызметі
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.