"Әумин" дегені үшін жаңаөзендікке 113 мың теңге айыппұл салды

Жаңаөзендегі мешіттің бірінде айқай-шу шықты. Намазға жығылғандардың бірі «әумин» деп дауыстап айтқаны үшін, сот оны 113 мың теңге айыппұл төлеуге мәжбүр етіпті. Бұл туралы Маңғыстау облыстық сотының ақпаратпен қамтамасыз ету бөлімі хабарлады.

Жергілікті имамның айтуынша, жамағат дауыстап «әумин» десе, Ханафи мәзһабының дәстүрін «бұзатын» көрінеді. Осыған шамданған имам әлгі жігіттің үстінен сотқа шағым түсіріпті. Бұл іс сотқа дейін жетіп, «тәртіп бұзушыға» 50 АЕК бойынша 113 мың теңге айыппұл салған. Бұл мәселе ҚР Азаматтық Кодекстің 490 бабы, 2 тармағында қарастырылыпты. Әзірге, шешімзаңды күшіне енген жоқ.

Қазір «жапа шеккен»жігіттің құқығын қорғауды белгілі адвокат Ғалым Нұрпейісов қолына алды. Оның айтуынша, бұл абсурдты нәрсе ғана емес, «Діни қызмет туралы» заңды белшеден басу көрінеді.

«Мұндай жағдайдың қауіптілігі сол – діни қызметкерлер мемлекеттің әкімшілік күшін пайдалана отырып, мешіттер мен шіркеудегі адамдарға өзін қалай ұстауды тықпалап жатыр», – дейді адвокат.

halyknews.kz

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.