Авто ХҚКО-ның қызметкері жұмыс орнында өзіне қол жұмсаған

Ақтауда мамандандырылған халыққа қызмет көрсету орталығының қызметкері жұмыс орнында асылып қалған, - деп хабарлайды mangystaumedia.kz.

Оқиға өткен жексенбіде болған. «Азаматтарға арналған үкімет «Мемлекеттік корпорациясы» Маңғыстау облыстық филиалының баспасөз қызметі оқиғаны растап отыр.

Баспасөз қызметінің хабарлауынша, марқұм бағбан болып жұмыс істеген. Ол жұмыстан тыс уақытта, яғни, жексенбі күні есікті ішінен кілттеп алған.

«Ер адам есікті ішкі жағынан жауып, қосалқы бөлмеде асылып қалған. Оқиға жексенбі күні жұмыстан тыс уақытта болды. Суицидтің себебі белгісіз», - делінген хабарламада.

Ал полиция департаментінің баспасөз қызметі сот-медициналық сараптамасы тағайындалып, сотқа дейінгі тергеу жүріп жатқанын хабарлады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.