Ағаш шебері Есен

Елбасы Н.Назарбаев «Болашаққа бағдар: рухани жаңғыру» атты мақаласында «Халқымыздың ұлттық салт - дәстүрлері мен тіліміз, музыкамыз бен жоралғыларымыз, бір сөзбен айтқанда, ұлттық рухымыз бойымызда мәңгі қалуы тиіс» - деген болатын.

Ұлттық жаңғыру, рухани жаңғыру деген­нің өзі ұлттық сананың кемелденуін біл­діреді. Біріншіден, ұлттық сана-сезімнің көк­жиегін кеңейту болса, екіншіден, ұлт­тық болмыстың өзегін сақтау. Ұлттық бол­мыс­тың өзегі дегеніміз, ол – біздің төл өнеріміз, мә­дениетіміз.

«Елі іші-өнер кеніші» дейді дана қазақ. Осы орайда бүгінгі мақаламда ел арасында жүрген өнерпаз, яғни ұлттық болмысты жаңғыртып, ағаштан шеберлік жасайтын ауылдасымыз туралы айтпақпыз.

Есен Берікұлы – сирек кез­де­сетін өнер иесі, ағаш шебері. Шетпе селосында 1979 жылы қарапайым от­басында дү­ние­ге келген ол – 2004 жылдан бері ау­дан­ның теміржол саласында, шойын жол­дың бойында вагон айдаушысының көмекшісі қызметінде. Оның қолынан түр­лі өлшемдегі заманауи үлгідегі үй, ас үй жиһаздарымен қоса, сандық, бесік және та­мақтануға арналған дөңгелек, төрт бұ­рышты етіп, қалаған пішінде үстелдер шық­қан. Ағаштың түбірін кәдеге жаратып отыр­ған оның бұл еңбегі көпке үлгі. «Шеберлік қасиет маған менің әкемнен дарыған. Әкем Берік Бөрібаев – бұрыннан сандық жасайтын шебер адам. Сол әкемнен маған берілген ұсталық қасиетті 17 жасымнан бастап іске асырып, ауыл­да ағаш шеберханасында жұмыс жа­садым. Қанда бар өнер бәрібір маза бер­меді. Бала кезімнен әкемнің қасында жүріп, құлағым да, көзім де шеберлікке қанып өсті. Отбасымда шеберлік қасиет інім Досанға да дарып, екеуміз халық сұранысын қа­нағат­тандыруда еңбек етіп келеміз. Қа­зіргі таңда жұмыс істейтін ағаштарымды өзім арнайы тапсырыспен алдыртып оты­ра­мын. Бірақ бұл материалдармен жұмыс іс­теу оңай емес. Жиһаздарды жасайтын ағаш­тар табыла бермейді. Бірақ көп жыл­дық тәжірибемде ебін тапсаң, бәріне қол жеткізуге болатынына көз жеткіздім. Бү­гінде тұтынушыларымның қатары қа­лып­­тас­ты, халықты әрдайым жаңа дү­ние­лер­мен таңғалдыруға асығамын», – дейді кейіп­керіміз. Оның мақсаты біреу ғана – кие­лі де бірегей ұсталық кәсіпті дамыту. Қос қо­лынан өнер тамған шебер ұстаханада бо­лып, әкесінен дарыған шеберлікті бала­ла­рына да үйретуден жалықпайды.

Кейіпкермен тілдесу барысында оның арғы аталары ұсталықпен айналысқанын, қол­ө­нерге бала кезінен ынта қойғанын аң­ғардық. Өсе келе ол ағашты кесіп-жонып, не­бір туындылар жасауға кірісіпті. Қазір де жұ­мыстан қолы қалт етсе, сол шағын ғана ұстаханасында сүйікті ісін серік етеді. Жан-жағының бәрі толған ағаш, жаңқа. Құрал-сайманның түр-түрі бар, халыққа түрлі жиһаздарын ұсынып отырған ағаш шебері бүгінде жұбайы Айнагүл екеуі – үш ұл мен үш қыз тәрбиелеп отырған аяулы әке.

Асқан төзімділікті, ептілікті талап ететін өнер­де бірнеше жылдан бері шыңдалып, қол­таңбасы қалыптасқан шебердің ат­қар­ға­ны көп. Жалпы Есен Берікұлы секілді ше­бер­лердің қайталанбас дү­ние­леріне қа­рап, мұндай өнімдердің тұ­ты­нушысын та­ба­рына шүбә келтірмейсіз. Оның жасаған бұйым­дары мен үй жиһаздарын ауданға қарасты ауыл­дарда жоғары сұранысқа ие.
Ұлтымыздың ұлылығын паш ететін туын­ды­ларға сұраныс едәуір артуда. Шебер Есен аға да үздіксіз ізденістен жа­лық­пақ емес.

Дина УТЕПБЕРГЕНОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.