Маңғыстау облысында 11 қазан күнгі жағдай бойынша коронавирус инфекциясымен ауырып, карантиндік стационарда жатқан науқастардың саны 57-ге жетті , - деп хабарлайды mangystaumedia.kz.
Облыстық денсаулық сақтау басқармасының мәліметінше, жансақтау бөлімінде 5 науқас жатыр. Оның ішінде 3 науқастың жағдайы ауыр, ал екеуі өте ауыр жағдайда. Жансақтау бөліміндегі науқастардың жағдайы тыныс алуының жетіспеушілігі мен ілеспе аурулардың болуына байланысты дейді дәрігерлер. Аурханаға түскен науқастың 49-ы коронавирустық пневмониямен ауырып жатса, қалған 8-і COVID-19 жұқтырған. (СД, АГ, хронические состояние).
Облыс көлемінде 215 инфекциялық І-ІІ сатылы төсек орын бар. Сондай-ақ, реанимациялық төсек саны 43-ке дейін көбейтілді.
Анықтамасыз шетелден келген Қазақстан Республикасының азаматтары мен шетел азаматтарына арналған Ақтау қаласында 15, Жаңаөзен қаласында 100, Қарақия ауданында 10, Бейнеу ауданында 10 төсек орынды карантиндік стационарлар ашылды.
Облыстағы стационарда жатқан науқастардың жағдайы туралы мәлімет күн сайын беріліп отырады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
