"Каспий" футбол клубының "Ақжайықпен" бүгін өтуі тиіс кезекті ойыны кейінге шегерілді, деп хабарлайды mangystaumedia.kz.
Қазақстанның 1 лигасындағы кездесу 19 сәуір күні 14:00-де басталуы тиіс еді. Алайда клуб ойыншылары бүгін жасыл алаңға шықпайтын болды.
Әзірге матчтың неліктен кейінге ысырылғаны нақты айтылған жоқ. Бірақ Жайық өзені арнасынан асып, төтенше жағдай туындағаннан кейін өңірде судан құтқару жұмыстары басталған.
Қазіргі уақытта маңғыстаулық "Каспий" клубы турнир кестесінде 6 ұпаймен көш бастап тұр. Жерлестеріміз 5 сәуір күні "Арыс" клубын сырт алаңда 2:0 есебімен ұтса, 12 сәуірде Өскеменнің "Алтайын" Ақтауда 4:1 нәтижесімен ойсырата жеңді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
