Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
© m.sport-express.ru
Қазақстан құрамасы Еуро-2024 іріктеу кезеңінің финалдық ойынында Словениядан ұтылды. Жалпы нәтиже бойынша Қазақстан топтағы өнерін алты жеңіс және төрт жеңіліспен аяқтады, деп хабарлайды mangystaumedia.kz сайты.
Бүгінгі түнде ел құрамасы мен Словения құрамасы арасындағы ойынды барша қазақстандық жанкүйер ықыласпен тамашалады. Ойын Люблянадағы «Стожице» стадионында өтті. Қазақстандық қорғаушы Ян Вороговскийдің ереже бұзуынан кейін пенальти белгіленді. Есеп 1:0 болып, Словения пайдасына шешілді.
Екінші таймның басында Қазақстан құрамасының жартылай қорғаушысы Рамазан Оразов есепті теңестірді. Дегенмен негізгі уақыттың аяқталуына төрт минут қалғанда Словения командасы гол соғып, алға шықты. Таблодағы қорытынды есеп словендіктердің пайдасына шешілді, 2:1.
Қазақстан алты жеңіс және төрт жеңіліспен аяқтады.
Дегенмен Қазақстан 2024 жылғы наурыз айында өтетін «төрттік турнирде» өнер көрсетеді. Қазақстан құрамасы сырт алаңда Грекиямен ойнайды. Жеңіске жеткен жағдайда қазақстандықтар Грузи-Люксембург жартылай финалының жеңімпазымен ойнайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.