Бокстан Еуропа чемпионы атанған қазақстандық боксшы жоғалып кетті

Еліміздің бокс федерациясы танымал боксшы, КСРО еңбек сіңірген спорт шебері, Еуропа чемпионы Серік Нұрқазовтың із-түзсіз жоғалып кеткенін мәлімдеді, деп хабарлайды mangystaumedia.kz El.kz ақпарат агенттігіне сілтеме жасап.

«Қоғам» еріктілер отрядының мәліметінше, 64 жастағы ер адам 14 желтоқсанда Алматыда жоғалып кеткен.

«Назар аударыңыз! Нұрқазов Серік, 04.10.1959 – туған күні. 14.12.2023 күні Луганск көшесіндегі өз үйінен белгісіз бағытта шығып кетіп, оның қайда екені қазірге дейін белгісіз.
Киімі: сұр түсті қалпақ, көк түсті күрте, ақ түсті жейде, қара түсті джинсы шалбар.

Ерекшеліктері: шашы - ақ түсті, сақалы бар. Диагноз қойылған.
Жоғалған адам туралы қандай да бір мәлімет білетін адамдар мына нөмірге хабарласса деп өтінеміз: +7 702 712 79 22 немесе @kogam_almaty, - деп жазылған мәліметте.

Қарағандылық Серік Нұрқазов 1983 жылы Болгарияның Варна қаласында өткен Еуропа біріншілігінде топ жарды. КСРО-ның үш дүркін чемпионы. Сондай-ақ, әлем кубогының күміс және Еуропа чемпионатының қола жүлдегері.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.