Ақтауда Конституция күніне орай облыс пен қаланың мерейтойлары аясында волейболдан қалалық ашық турнир өтті, деп хабарлайды mangystaumedia.kz сайты қала әкімдігінің баспасөз қызметіне сілтеме жасап.
Жасөспірімдер арасында өткен жарыста 6 команда бақ сынады. Турнир қорытындысы бойынша ІІІ орынға №25 мектеп оқушылары ие болса, ІІ орынды Басқұдық спорт мектебінің спортшылары алды. І орынды «Каспий» кәсіби спорт клубы иеленді. Турнир жеңімпаздары мен жаттықтырушыларын Ақтау қалалық мәдениет, дене шынықтыру және спорт бөлімінің басшысы Амантай Кумбаев марапаттады.
- Жарыстың басты мақсаты – жасөспірімдердің арасында салауатты өмір салтын насихаттау. Турнир өте тартысты өтті. Сайыс қатысушылары мен жаттықтырушыларға алғыс білдіремін,- деді Ақтау қалалық мәдениет, дене шынықтыру және спорт бөлімінің басшысы Амантай Кумбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
