Боксшы Үзімхан Өтепова спорт шеберіне үміткер нормативін орындап, чемпионаттың қола жүлдегері атанды, - деп хабарлайды mangystaumedia.kz сайты Маңғыстау облыстық бокс федерациясының баспасөз қызметіне сілтеме жасап.
Екібастұзда 2002-2003 және 2004-2005 жылдары туған еліміздің ең мықты боксшы қыздар арасындағы ел біріншілігі өтті. Чемпионатқа Қазақстанның барлық аймағынан 250-ден аса спортшы қатысқан.
Маңғыстау облысының намысын 54 келі салмақта Джульетта Қуанышева, 57 келі салмақта Өзімхан Өтепова мен Әсем Таңатар қорғады.
- Үзімхан Өтепова үш жекпе-жек өткізіп, жартылай финалда нұр-сұлтандық қарсыласына есе жіберді. Үш жекпе-жектің қорытындысы бойынша Үзімхан үшінші орынды иеленіп, спорт шеберіне үміткер нормативін орындады. Турнир жоғары деңгейде өтті, қарсыластар күшті болды, - деді жаттықтырушы Жанна Баскаева.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
