Ақтау қаласының 31а шағын ауданынан «Ыстық ұя» деп аталатын антикафе ашылды, - деп хабарлайды mangystaumedia.kz.
23 жастағы Әнуар мен Исмаил игі бастамасын жастардың уақытын тиімді ұйымдастыруы үшін жасапты. Олар бұл жобаға 1 миллион теңге қаражат жұмсаған. Орталықтың ішінде үстел ойындары мен мәдени бөлме, керек десеңіз кино тамашалайтын зал да бар. Сондай-ақ, жастар арасында кітап оқуға деген қызуғышылықты арттыру үшін заманауи кітапхана да жасақтап қойған. Орталық иелері қонақтарына арнап әртүрлі жоба дайындап қойғандарын да айтады.
Жастар компьютер мен телефоннан бас көтермейтін болды. Сол себепті осы орталықты ашып жатырмыз. Бұл жерде үстел ойындарын ойнауға болады. Кино көретін зал, мәдени бөлме мен кітапхана жасадық, - дейді Әнуар Алдаберген.
Орталық өз жұмысын бастағаннан кейін жастар уақытын тиімді пайдаланып, үстел ойындарына, кітап оқуға деген қызығушылық артады деген ойдамыз. Жастар тыныш жерде еркін коммуникация құра алса деген негізгі мақсатымыз еді, – дейді Исмаил Сүйеген.
Жоба авторлары орталық қала жастарының жайлы әрі ыстық мекеніне айналса деген ниетте осы істі бастағанын жеткізді. Сол себепті орталыққа "Ыстық ұя" деген атау берген.
Махаббат НҰРЖАНҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
