«Ауыл» партиясы қаламгерлермен кездесті

Бүгін «Достық» үйінде «Ауыл» халықтық - демократиялық патриоттық партиясының ұйымдастыруымен «Ұлттық құндылықтар – ұлттық даму негізі» тақырыбында жұртшылықпен кездесу өтті.

Басқосуға партия төрағасы, ҚР Парламентінің Сенат депутаты Әли Бектаев және белгілі айтыскер ақын, ҚР еңбегі сіңген қайраткері Дәулеткерей Кәпұлы және жазушылар мен ақындар, журналистер қатысты.

Жиында алғашқы сөзді алған Әли Әбідкәрімұлы: «Өз тарихын терең ұғынып, ұлттық құндылықтарын шын бағалай білетін халықтың ғана болашағы мәңгі болмақ. Бүгінгі алпауыт жаһандану дәуірінде кез-келген ұлтты сақтап қалатын дүниелер - сол ұлттың төл тарихы, мәдениеті мен тілі екені анық. Ал қазақтың осы құндылықтарының негізі ауылда жатыр. Сондықтан халықпен жүздесуімізді ұлттық құндылықтарымызды қаймағы бұзылмаған күйінде сақтап келе жатқан қасиетті өлке Маңғыстаудан бастап отырмыз» деді.

Жиынға қатысушыларға «Ауыл партиясының кітапханасы» айдарымен жылма-жыл шығарылып келе жатқан «Алтын тұғыр» үштомдығы таратылып, ауыл мәселесі туралы ұсыныс-пікірлер айтылды.

Кездесуде ақын-жазушылар Бектұр Төлеуғалиев, Сайын Назарбекұлы, Есберген Іңірбайұлы, Анар Шамшадинова, Әнуар Бимағамбет, Айтуар Өтегенов сөз алып, өз пікірлерін ортаға салды.

Мақаланың толық мәтінін «Маңғыстау» газетінен оқи аласыздар.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.