Маңғыстаулық дзюдошы олимпиадалық рейтингте 49-орында тұр

Отандық дзюдошылардың олимпиадалық рейтингтегі көрсеткіші жарияланды. Соның ішінде 81 келі салмақтағы маңғыстаулық спортшы Руслан Мұсаев 49-сатыда тұр, - деп хабарлайды mangystaumedia.kz сайты Olympic.kz сайтына сілтеме жасап.

Ал 60 келідегі Елдос Сметов олимпиадалық рейтингте үздік үштікті тұйықтап тұр. Ол жапониялық Нагаяма Рюю мен өзбекстандық Шарафуддин Луфтиллаевты алға жіберген.

Ғұсман Қырғызбаев 8-орында болса, 66 келіде Ерлан Серікжанов 13-сатыда тұр.

Елдос Жұмақанов 20-орынға төмендеген. 73 келідегі Жансай Смағұлов 25-орынға тұрақтанса, 81 келідегі Дидар Хамза 29-орында.

90 келідегі Ислам Бозбаев 18-орында. Аса ауыр салмақтағы Ерасыл Қажыбаев әзірге 35-орында тұр.

Айта кетейік, дзюдодан 2020 жылдың алғашқы маусымы 23-25 қаңтар күндері Израильдің Тель-Авив қаласында өтеді. Қазіргі таңда қазақстандық дзюдошылар Австрияның Миттерзиль қаласында халықаралық оқу-жаттығу жиынына қатысып жатыр. Жаттығу жұмыстары қаңтардың 15-іне дейін жалғасады.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.