Нұрсұлтан Амандық еркін күрестен халықаралық дәрежедегі төреші атанды

Нұрсұлтан Амандық облыста тұңғыш рет еркін күрестен халықаралық дәрежедегі төреші атанды. Бұл туралы Маңғыстау облысының грек-рим, еркін және әйелдер федерациясы мәлімдеді, - деп хабарлайды mangystaumedia.kz сайты.

Жақында Қытайдың Тайбэй елінің Тайчжунь қаласында U15 грек-рим, еркін және әйелдер жасөспірімдер арасында өткен Азия чемпионатында спортшы 2-дәрежелі төрешілік санатын қорғап алды.

Нұрсұлтан еркін күреске 9 жасынан бастап қатысқан. Бірнеше рет облыстық турнирлерге қатысып, жүлделі орындарға ие болды. 2009 жылы жарақат алуына байланысты спортты ерте аяқтады. 2015 жылдан бастап Мұнайлы ауданы Басқұдық ауылы балалар мен жасөспірімдер спорт мектебінде қызмет атқарып жүр. Қазіргі таңда шәкірттері республикалық, облыстық және аудандық турнирлерге қатысып, жетістіктерге жетуде.

Айбек Мұханов,

Мұнайлы ауданы Басқұдық ауылы балалар мен жасөспірімдер спорт мектебінің әдіскері

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.