"Каспий" өз алаңында "Байқоңырды" 3:1 есебімен жеңді (ФОТО, ВИДЕО)
[ 2019 ] 11 мамыр, 20:02 | Спорт
Бүгін Ақтаудың «Каспий» футбол командасы қызылордалық «Байқоңырды» өз алаңында қабылдады. Ойын 3:1 есебімен маңғыстаулық команданың пайдасына шешілді, - деп хабарлайды mangystaumedia.kz сайты.
«Жас қанат» спорт кешенінде өткен «Каспий» мен «Байқоңырдың» кездесуі тартысқа толы болды. Алғашқы 17 минутта «Каспийдің» шабуылшысы Жандос Сұлтан есеп ашты.
https://www.youtube.com/watch?v=uYD4oMjZ7Uw
Екінші тайм басталысымен ала доп алаңында Қызылорданың «Байқоңыр» футбол командасы шабуылға шығып, есепті теңестіруге бет алды. Кездесудің 65-ші минутында қызылордалық команда шабуылшысы Өркен Махан қақпаға гол салып, есепті теңестірді.
https://www.youtube.com/watch?v=p12otJ5EGt4
Кездесу барысында алаң иелері допты көбірек ұстап, басымдығын көрсетті. Есепті еселеуге барын салды. Матчтың 87-ші минутында Талғат Қусяпов «Каспийге» екінші голды алып берді.
https://www.youtube.com/watch?v=JAYR53-sz2I
Ал ойынның бітуіне 10 минут қалғанда «Каспийдің» ойыншысы Руслан Жанысбаев қарсылас команданы сан соқтырып, тағы бір ұпайды еншіледі.
Осылайша ойын Ақтаудың «Каспий» командасы үшін пайдаға шешілді. Кездесу 3:1 есебімен жергілікті команданың жеңісімен аяқталды.
Маңғыстаулық команда алты ойын өткізіп, оның 4-уінде жеңіске жетсе, біреуінде ұтылып, біреуін тең нәтижемен аяқтады. Қазір команданың қоржынында 13 ұпай бар. Осылайша "Каспий" турнирлік кестеде үшінші орынға көтерілді.
Айта кетелік, ойынға 3000-ға жуық жанкүйер қатысып, "Каспий" мен "Байқоңыр" арасындағы тартысты ойын Бірінші лигадағы көрермен ең көп жиналған матч болды.
Жұлдызай ҚАЛИЕВА
Суреттер мен видеоларды түсірген Талант ҚҰСАЙЫН
[gallery td_select_gallery_slide="slide" ids="79144,79153,79150,79149,79151,79148,79146,79145"]
763
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
