Грек-рим күресінен ашық біріншілікте бейнеулік спортшылар жүлдемен оралды
[ 2019 ] 27 ақпан, 13:16 | Спорт
Елбасы Н.Ә.Назарбаевтың «2019 жыл - Жастар жылын» қолдау, салауатты өмір салтын насихаттау мен бірге палуандардың шеберлігін шыңдап, жастарды достыққа, патриоттық сезімге, ұлттық мәдениетке тәрбиелеу мақсатында грек-рим күресінен 2007-2006 және 2007-2009 жылы туған жасөспірімдер арасында Шалқар қаласында ашық біріншілік өткізілді.
Жарысқа батыс өңіріне қарасты қалалардан 6 команда құрамасы қатысып, спортшылар сынға түсті.
Тартымды да тартысты өткен жарыста төрешілердің шешімі бойынша Бейнеу ауданының құрамасынан 57 кг салмақ дәрежесінде Айдан Шоғыбаев пен Данабек Кемелов І - орын, 38 кг салмақта Искандер Уаисов, 44 кг салмақ бойынша Рақымжан Исатаев ІІ –орын, 41 кг салмақ дәрежесі бойынша Аманжол Тағанбаев және 38 кг салмақта Шерхан Недір сынды жүлдегерлеріміз ІІІ – орынды иеленді.
Жеңімпаздар арнайы грамоталармен және алқалармен марапатталды.
Үміт ҚАЗДАЕВА
904
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
