Жаңаөзендік ауыр атлеттер жасөспірімдер турнирінде жеңіске жетті

6-10 желтоқсанда Алматы облысы Үштөбе қаласында Афина Олимпиадасының күміс жүлдегері, ҚР еңбек сіңірген спорт шебері Сергей Филимоновтың жүлдесіне арналған ауыр атлетикадан 17 жасқа дейінгі жасөспірім ұл-қыздар арасында республикалық ашық турнир өтті.

Жарысқа Маңғыстау облысы Жаңаөзен қаласының жас ауыр атлеттері бақ сынап, нәтижесінде 40 келі салмақ дәрежесімен Айкөркем Нұрымова 3 орынға иеленді. Айкөркемнің өз салмағы 33 келі, жұлқа көтеруде 18 келі, серпе көтеруде 25 келі, қоссайыс көрсеткіші 42 келі болды.

Ал 89 келі салмақ дәрежесінде Абдилуакт Еркебұлан 3 орынға ие болды. Ол жұлқа көтеруде 38 келі, серпе көтеру 48 келі көтеріп, қоссайыс көрсеткіші 86 келі болды.

96 келі Қуаныш Айтбек 3 орынды қанжығасына байлап, жұлқа көтеруде 55 келі, серпе көтеру бойынша 65 келі көтеріп, қоссайыс көрсеткіші 120 келі болды.

+ 96 келі Ислам Айдос жұлқа көтеруде 55 келі, серпе көтеруде 75 келі, қоссайыс көрсеткіші 130 келі болып 2 орынды иеленді.

Турнирдің чемпионы + 96 келі салмақта Али Худжагулов бас жүлдені жеңіп алды. Ол жұлқа көтеруде 65 келі, серпе көтеруде 80 келімен қоссайыс қөрсеткіші 145 келі болды.

Жеңіспен оралған балалар №2 БЖСМ жаттықтырушылары Аділмағамбет Жаңбыров пен Тимур Жаңбыровға алғыстарын білдірді.

Өз тілшіміз

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.