Турнир тартысты өтті

Жуырда Шетпеде аудандық жастар ресурстық орталығы және салауатты өмір салтын қалыптастыру орталығының ұйымдастыруымен жастар арасында шахмат пен дойбы ойындарынан турнир өтті.

Спорттық сайысқа 20-ға жуық ауыл жастары қатысып, зияткерлік ойында зеректік танытты. Жарыс өте тартысты өтіп, ойыншылар тапқырлықтарын көрсетті. Сайыс қорытындысы бойынша шахматтан 1-орынды Ринат Сабыров, 2- орынды Болат Өтепбергенов жеңіп алса, Сәулет Оңбосынова 3-орынды қанағат тұтты. Дойбыдан 1- орынды Еркебұлан Аманқосов иеленсе, 2- орынды Айдана Тілекбаева, 3- орынды Камшат Жамансариева алды.

Жарыс жеңімпаздарына ұйымдастырушылар атынан кубок пен медаль және Алғыс хат табысталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.