Жаңаөзеннің 50 жылдығына орай жүгіруден жарыс өтті

Бұқаралық спортты дамыту, салауатты өмір салтын насихат­тау мақсатында Рахат ауылы әкімдігінің қолдауымен Жаңаөзен қалалық политехникалық колледжі ерікті тұрғындар арасында жеңіл атлетикалық жүгіріс өткізді.

Жаңаөзеннің 50 жылдық мерейтойы­на орай өткен шара аптаның дема­лыс күні ұйымдастырылып, жүгіріске қатысушылар саны 10 мекемеден, 130-ға жуық адамды құрады. Марафонда жастар­мен қатар 40 жастағы кісілер де белсенділік танытты.

Жүгіріс бағыты «Мерей» шағынауданының 34 көшесінен бастау алды. Қатысушылар «Мерей», «Жұлдыз» шағынаудандары бойымен «Ақсу» ш/а орналасқан Жаңаөзен по- литехникалық колледжіне дейін 1 шақырым жүгіріп келді. Нәтижесінде ерлер арасын­да Азамат Ақмолдаев (№8 мектеп) мәре сызығын алғашқы болып аттап, жеңімпаз атанды. Ал, Қуаныш Сансызбаев (№21 мек­теп) екінші, Еркінбек Нәукебаев (№15 мек­теп) үшінші болып жетті. Қыздар арасында Маржангүл Инятова (№121 мектеп) топ жарса, Жангүл Құрмашова (№21 мектеп), Гүлсінай Калиева (№23 мек­теп) екінші, үшінші болып келді.

- 50 жылдыққа өткізілген марафонда бас жүлдені иеленгеніме қуаныштымын. Спорт - денсаулық кепілі. Сол себепті, барлығыңыз спортпен айналысыңыз дегім келеді. Дені сау мықты азамат болып, салауатты өмір салтын ұстанайық, - дейді жеңімпаз Маржангүл ИНЯТОВА.

Шара соңында жүлдегерлерге арнайы дипломдар табысталып, кубок, медаль және сыйлық тапсырылды. Өнерпаздар бол­са ән айтып, би билеп жиналғандарға жақсы көңіл-күй сыйлады.

Жанайым ЖАРЫЛҚАП

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.