Астана күніне орай ауыл жастары спорттың әр түрінен сайысты

Шетпедегі Алшын Мендалыұлы атындағы орта мектеп жанындағы ашық спорт алаңында Маңғыстау аудандық жастар ресурстық орталығының ұйымдастыруымен 6 шілде – Астана күніне орай ауыл жастары арасында шағын футболдан турнир өтті. Аталмыш ашық турнирге ауылдың жастарынан құралған төрт команда қатысты.

Бір күнге созылған спорт­тық жарыс қорытын­дысында жүлделі бірінші орынды «Шетпе жастары» құра­ма командасы жеңіп алса, екінші және үшінші орындарды «Отпан» (Тұщыбек ауылы) және «Жасыл ел» құрама командалары иеленді. Ұйымдастырушылар тарапы­нан әртүрлі аталымдар бойынша арнайы жүлделер «Үздік ша­буылшы» – Ербол Жұмахановқа, «Үздік қақпашы» – Бекболат Қуанышовқа, «Үздік ойыншы» – Даржок Ноянға, «Үздік қорғау­шы» Дастан Қонысбаевқа бе­рілді. Қатысқан және жеңімпаз командаларға заттай командаға арналған киімдер мен дипломдар табысталды.

* * *

Сондай-­ақ Астананың 20 жыл­дығына орай Маңғыстау аудандық жастар ресурстық орталығының баста­масымен және Маңғыстау ау­дандық білім бөлімінің қолдауы­ мен аудандық жастар арасында ұлттық тоғызқұмалақ және шах­мат, дойбы ойындарынан турнир өтті.

Жарысқа аудандағы ауылдар­дан 20­-ға жуық жас қатысты. М.Мұқанов бас төреші болған жа­рысқа жастар белсене қатысып, ұлттық ойындар тартысты өтті.

Жарыстың мәресінде тоғыз­ құмалақ ойынынан жүлделі 1 және 2 ­орынды Жармыш ауы­лынан келген Сағадат Бікірбай пен Інжу Жұмажан, 3­орынды Тұщықұдық ауылының  тұрғы­ны Маржан Тимур иеленді. Дой бы ойынынан М.Тимур жеңімпаз атанып, 2­ орынды өтестік Алмат Рафхат, 3­орынды Қанаш Өмірәлі (Жыңғылды), шахматтан Ахат Ле­сов, Берік Нұрханов, Алмат Раф­хаттар жүлделі үштіктен көрінді.

Жарысқа қатысқан белсенді жастар ынталандыру сыйлықта­ры мен алғыс хаттарға ие болды. Жарыс жеңімпаздарына грамота­лар, медалдар мен кубоктар та­бысталды.

Еркебұлан  ТӨЛЕПБАЕВ, Дүйсенбек ҚОЗБАҚОВ, жастар орталығының мамандары

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.