Мүгедектер күніне орай жарыс ұйымдастырылды

Елбасымыз мүгедек жандарға қамқорлық жасауды әлеуметтік саладағы басты міндеттердің бірі ретінде айтқан болатын. Оларға қол ұшын беріп, көңіл күйін көтеріп, белсенді тірлікке тартып, өздерін болашағымыздың то­лық­қанды мүшесі ретінде се­зуіне жағ­дай жасау – біздің басты міндетіміз. Спорттың басты мақсаты – оқушылардың ден­сау­лығын, бел­сенділігін, күш-қайратын спорт­­қа деген сүйіспеншілігін арт­­тырып, жал­пы салауатты өмір сал­­тын қалып­тастыру.

Сайыстың ашылу салтанатына Қа­рақия аудандық мәдениет, дене шы­нықтыру және спорт бөлімі басшысы Д.Ата­ғараев, Қарақия аудандық жастар ресустық орталығының директоры М.Ама­ниязова және «Жігер мүгедектер спорт клубы» жетекшісі Қ. Тлеуовтер қатысты. Жарысқа ауыл мектеп оқушыларымен және мүмкіндігі шектеулі жастар қатысып, дартс, дойбы, білек сынасу, штанганы жатып көтеру ойындары ұйымдастырылды. Сайыс барысында Д.Атағараев пен М.Аманиязова мүмкіндігі шектеулі жас спортшыларға өмірдің қиындығына мойымай, спорттың түрлі саласында шынығып, атсалысуына сәттілік тіледі.

Жарыс өте қызықты әрі тартысты өтті. Балалар бар ынта жігерімен жарысқа белсене қатысты.

Дойбы сайысынан I орынды Д.Тө­леп­бергенова иеленсе, II орынға А.Жақ­сылық, ал III орынды Ж.Жексенбай сынды оқушылар жеңіп алып, ақыл-ойларының ұшқырлығын танытты. Ал дартс көздеу сайысынан I орынды Б.Бейім, II орынды Р.Жылқайдаров алса, III орынды А.Наурызов ұтыпалып, мергендік қа­сиеттерін танытты. Және де білек сынасу жарысында I орынды Р.Жылқайдаров, ал II орынды А.Наурызов иеленсе, III орынды Б.Бейім жеңіп алып, қолдарының мықтылығын көрсетті. Ал штангіні жатып көтеру сайысынан I орынды Қ.Тлеуов, II орынды С.Букенов алса, III орынды Қ.Ерсайынов жеңіп алды.  Спортшыларға диплом мен ақшалай сыйлықтар табысталды.

Сайыс соңында Қарақия аудандық жас­тар ресурстық орталығының директоры М.Аманиязова «денсаулық адамның бас­ты байлығы, және денсаулық пен адам баласы биік белестерден орынала­ды», - деп салауатты өмір салтына ша­қыр­ды. Сонымен қатар мектеп ұжымы мен ата-аналар өз ризашылықтарын білдіріп, оларға амандық және балаларының қуанышымен мейірімін көріп, халықтың алғысы мен ықыласына бөленіп жүре беріңіздер, - деп жастар ресурстық орта­лығының директоры М.Аманиязоваға жә­не спорт мамандарына шексіз ал­ғыс­та­рын білдірді.

Қамқорлық жасау – ізгіліктің, адамның асыл қасиеттерінің бірі. Әсіресе мүмкіндігі шектеулі жандарға шын ықыласымен кө­мегін аямаған әрбір жанға Алланың берері мол екені анық.

 Фариза ХАЙДАРОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.